இந்தியர்களை விசா இல்லாமல் அனுமதிக்கும் 19 நாடுகள்!

வரும் டிசம்பர் 1-ஆம் தேதி முதல் இந்தியக் குடிமக்கள் விசா இல்லாமலேயே மலேசியாவுக்குச் செல்லலாம். அங்கு 30 நாட்கள் வரை தங்கவும் செய்யலாம்.

மலேசியப் பிரதமர் அன்வார் இப்ராகிம் ஞாயிற்றுக்கிழமை (நவம்பர் 26) மக்கள் நீதிக் கட்சி மாநாட்டில் உரையாற்றியபோது இதற்கான அறிவிப்பை வெளியிட்டார்.

ஆனால், இந்தியர்களுக்கு இந்த வசதி எவ்வளவு காலம் நீடிக்கும் என்று அவர் கூறவில்லை.

இந்தியர்களுடன், சீன குடிமக்களுக்கும் விசா இலவச நுழைவு வசதியை அன்வார் அறிவித்துள்ளார்.

மலேசியாவுடன் வர்த்தகம் செய்யும் நாடுகளில் சீனாவும் இந்தியாவும் நான்காவது மற்றும் ஐந்தாவது பெரிய நாடுகள்.

மலேசியாவுக்குச் சுற்றுலா செல்லும் இந்தியர்கள்

மலேசிய அரசின் தரவுகள்படி, இந்த ஆண்டு ஜனவரி மற்றும் ஜூன் மாதங்களுக்கு இடையில் இந்தியாவிலிருந்து 2,83,885 சுற்றுலாப் பயணிகள் மலேசியா சென்றிருக்கின்றனர்.

2019-ஆம் ஆண்டில், இதே காலகட்டத்தில், இந்தியாவில் இருந்து 3,54,486 சுற்றுலாப் பயணிகள் மலேசியாவிற்குச் சென்றிருக்கின்றனர்.