முச்சக்கரவண்டி விபத்தில் சிக்கி 2 மாணவர்கள் உட்பட 3 பேருக்கு காயம்!

 

மட்டு கொக்கட்டிச்சோலை மணப்பிட்டி பிரதேசத்தில் இடம்பெற்ற முச்சக்கரவண்டி விபத்தில் சிக்கி 2 மாணவர்கள் உட்பட 3 பேருக்கு காயம்

மட்டக்களப்பு  கொக்கட்டிச்சோலை பொலிஸ்பிரிவுக்குட்பட்ட  மணப்பிட்டி தாண்டியடி பிரதான சாலையில் இன்று காலை பாடசாலைமாணவர்களை ஏற்றிக்கொண்டு  பயணித்துக்கொண்டிருந்த முச்சக்கரவண்டி மணப்பிட்டிச் சந்திக்கு அருகாமையில்  வைத்து விபத்துக்குள்ளானதில் முச்சக்கரவண்டியில் பயணித்த  மட்/மமே /அரசடித்தீவு விக்னேஸ்வரா மகாவித்தியாலயத்தினை சேர்ந்த 2 மாணவர்கள் மற்றும்  முச்சக்கர வண்டியை செலுத்திய சாரதி ஆகியோர் காயமடைந்துள்ளதுடன் அவர்கள் மேலதிக சிகிச்சைகளுக்காக  மகிழடித்தீவு  வைத்தியசாலையில் அனுமதிக்கப்பட்டுளனர்.

விபத்து தொடர்பான மேலதிக விசாரணைகளை கொக்கட்டிச்சோலை போக்குவரத்து பொலிஸார் மேற்கொண்டு வருகின்றனர்