இப்போதும் பூக்கிறதா இந்தப் பூ? - அரோஸ்_சிவ_தயாழ்!!
பார்வையிலே பறிபோன காதலரின் முதல்…
சந்திப் பூ 🥀
அறிவித்துக் கொள்ளாமலே
அணிந்து கொள்ளும் ஒரே நிற ஆடையைக் காண…
ஆர்ப்பரிப் பூ 🥀
அவள் வீட்டை நீங்கும் நேரம்
எதுவென்று அறியாமலே ரோட்டிலே நீளும்…
காத்திருப் பூ 🥀
இன்று வந்தாளா இல்லையா என
கொட்டில் பெஞ்சை எட்டிப்பார்க்கும்…
தவிப் பூ 🥀
அவளுக்கான இடம் வெறுமைப் படக்கண்டு
என்ன ஆனதோ எனும்…
துடிப் பூ 🥀
வீட்டு மதில் எட்டிப்பார்த்து
அவள் நடமாட்டம் காண்பதற்காய் எத்தனை பெடில்…
மிதிப் பூ 🥀
காகிதத்தில் காதலை நிரப்பி
நேரில் கொடுக்க துணிவு இன்றி தோழியை அனுப்பி…
வைப் பூ 🥀
பதில் வருமா பதிலாய் அவள் அப்பா வருவாரா எனும்…
படபடப் பூ 🥀
பதில் மடல் வந்து விட்டால் பாதி உலகை வென்றுவிட்டதாய் துள்ளிக்…
குதிப் பூ 🥀
முதல் முதலாய் நேரில் சந்திக்க யாருமில்லா சாலையொன்றை…
தத்தெடுப் பூ🥀
முதல் முறை பேச்சில் என்னவெல்லாம்
என எண்ணி எண்ணிக் கழித்த இரவின்
கதகதப் பூ🥀
அருகில் காணும் அடுத்த நொடியே மனனம் பண்ணியதெல்லாம் மறந்து உளறுகையில் வரும்…
நெளிப் பூ🥀
பக்கம் வந்தமர நேர்ந்தாலே அந்தரத்தில் அவன் கால்களின்…
மிதப் பூ 🥀
சிறு தொடுகையுணர்ந்தாலே அவன் ஆயுள் வரை நீளும் அந்த முதல்…
நினைப் பூ🥀
சேர்த்து வைத்த காசெடுத்து பார்த்துப் பார்த்து அவளுக்காய் ஒரு
பரிசளிப் பூ🥀
அன்று நாள் நடந்ததெல்லாம் நினைத்து தலையணையோடு பரிமாறும்
சிரிப் பூ🥀
அவள் கை பட்டு நீங்கிய
அத்தனையையும் தேடித் தேடி
சேகரிப் பூ🥀
அவள் மெய் பட்டுப் பறந்த
பட்டாம் பூச்சியை தொட்டு விட வரும்
பூரிப் பூ🥀
இப்படி எத்தனை அழகிய பூ
அந்த கால காதல் செடியில் பூக்கும்
காதல்ப் பூ🥀
பின் நாள்…
அழைப் பூ எடுக்கும்
இணைப் பூ வர
தலை கீழாய் மாறியது எங்கள் காலக்
காதலெனும் அழகிய பூ 🥀
பட்டன் அழைபேசி வருகையின் பின்
பட் பட் என வந்து விழும்
பதிப் பூ 🥀
அதிலிருந்தே தொடங்கியது இதன்
பாதிப் பூ 🥀
அடுத்த கட்டம் நகர
நகர வாழ்க்கை உயர
அது போல் இல்லாமல் போனது
ஈர்ப் பூ 🥀
இன்னும் இன்னுமாய்
இழந்தது இதன் சிறப் பூ 🥀
கடந்த பின் தான் தெரிகிறது
பழைய காலத்தின் மதிப் பூ 🥀
காதல் காதலாய் இருப்பதுதானே
இவ்வுலகின் வியப் பூ 🥀
✍️ #அரோஸ்_சிவ_தயாழ் 🥀
கருத்துகள் இல்லை