இளவரசி கேட்-டிற்கு மன்னர் வழங்கிய புதிய பதவி!!

   

பிரித்தானிய ராணி, இளவரசர் வில்லியம் மற்றும் கேட் மிடில்டன் ஆகியோருக்கு புதிய பதவியை மன்னர் சார்லஸ் வழங்கி கவுரவித்துள்ளார்.

மன்னரின் இந்த அறிவிப்பில் மிகவும் கவர்ச்சிக்கரமான பதவியாக வேல்ஸ் இளவரசி கேட் மிடில்டனுக்கு வழங்கப்பட்ட பதவி அனைவரையும் ஈர்த்துள்ளது.

இளவரசி கேட் மிடில்டனுக்கு, மதிப்புமிக்க "ஆர்டர் ஆஃப் தி கம்பேனியன்ஸ் ஆஃப் ஹானர்”(Order of the Companions of Honour) அமைப்பில் அவருக்காக ஒரு புதிய பதவியை மன்னர் சார்லஸ் உருவாக்கினார்.

கேட் இப்போது "ராயல் கம்பேனியன்”(Royal Companion), இந்த சிறப்பைப் பெறும் முதல் அரச குடும்ப உறுப்பினர் ஆவார்.

"ஆர்டர் ஆஃப் தி கம்பேனியன்ஸ் ஆஃப் ஹானர்" அமைப்பில் அதிகபட்சமாக 65 உறுப்பினர்கள் மட்டுமே இருக்க முடியும், மேலும் கலை, அறிவியல், மருத்துவம் மற்றும் பொது சேவையில் சிறந்த சாதனைகளை அங்கீகரிக்கிறது.