சிம்பு கொடுத்த விமர்சனம் 'டிராகன்' படம்!

விஜய்யின் GOAT படத்துக்குப் பிறகு ஏஜிஎஸ் புரொடக்ஷன் நிறுவனத்தின் தயாரிப்பாக பிரதீப் ரங்கநாதன் நடிப்பில் அஸ்வத் மாரிமுத்து இயக்கும் 'டிராகன்' படம் பெப்ரவரி 21 ஆம் திகதி வௌியாகிறது. இந்த படத்தின் பாடல்கள் மற்றும் ட்ரைலர் சமீபத்தில் வௌியாகி அவதானம் பெற்றுள்ளன. படத்தில் அனுபமா பரமேஸ்வரன், கடாயு லோஹர் மற்றும் மிஷ்கின் ஆகியோர் முக்கிய வேடத்தில் நடிக்க லியோன் ஜேம்ஸ் இசையமைத்துள்ளார். 

படம் மிகப்பெரிய எதிர்பார்ப்புகளுக்கு மத்தியில் நாளை வௌியாகிறது. 'லவ் டுடே' என்ற மிகப்பெரிய வெற்றிப் படத்துக்கு பின்னல் பிரதீப் நடிக்கும் படம் என்பதால் மிகப்பெரிய அளவில் எதிர்பார்ப்பு உள்ளது. அதற்கேற்றார் போல படக்குழுவினரும் விளம்பரம் செய்து வருகின்றனர். 

இந்நிலையில் நடிகர் சிம்பு தன்னுடைய சமூகவலைதளப் பக்கத்தில் “டிராகன் –பிளாக்பஸ்டர்” என்று தெரிவித்துள்ளார். படம் வௌியாவதற்கு முன்பே சிம்பு இப்படி பாராட்டி பேசியுள்ளதால் படத்தின் மீதான எதிர்பார்ப்பு அதிகமாகியுள்ளது. 'டிராகன்' படத்தின் இயக்குனர் அஸ்வத் மாரிமுத்து அடுத்து சிம்புவை வைத்து ஒரு படம் இயக்கவுள்ளார் என்பது குறிப்பிடத்தக்கது.