வாழைக்காய் மசாலா தயாரிப்பது எப்படி!

தேவையான பொருட்கள் 

வாழைக்காய் - 1.

தேங்காய் துருவல் - 3 ஸ்பூன்.

சோம்பு - 1 டீஸ்பூன்.

கசகசா - 1 டீஸ்பூன்.

தனியா - 1/2 டீஸ்பூன்.

காய்ந்த மிளகாய் - 4.

பூண்டு - 3 பல்.

கறிவேப்பிலை - சிறிது.

கடுகு - 1/2 டீஸ்பூன்.

மஞ்சள் தூள் - 1/2 டீஸ்பூன்.

உப்பு - தேவைக்கேற்ப.

எண்ணெய் - 2 ஸ்பூன்.

            

            செய்முறை விளக்கம் 

            

            முதலில் வாழைக்காயை தோல் சீவி, வில்லைகளாக நறுக்கி, தண்ணீரில் போட்டு வைக்கவும்.தேங்காய் துருவல், சோம்பு, கசகசா, தனியா, காய்ந்த மிளகாய், பூண்டு அனைத்தையும் மிக்ஸியில் போட்டு, கரகரப்பாக அரைக்கவும்.

பின் கடாயில் 1 ஸ்பூன் எண்ணெய் ஊற்றி, கடுகு தாளித்து, நறுக்கிய வாழைக்காய், கறிவேப்பிலை சேர்த்து 1 நிமிடம் வதக்கவும்.அரைத்த மசாலாவை கரைத்து ஊற்றி, மஞ்சள் தூள், உப்பு போட்டு வேக விடவும்.

வாழைக்காய் வெந்து தண்ணீர் வற்றியவுடன், 1 ஸ்பூன் எண்ணெய் விட்டு 1 நிமிடம் கிளறி இறக்கவும்.இப்போது வாழைக்காய் மசாலா தயார்.