தமிழர் இனவழிப்பு நினைவுச் சின்னம் கனடாவில் அங்குரார்ப்பணம் !📸

கனடாவின் பிராம்ப்டன் நகரில் தமிழர் நினைவழிப்புச் சின்னம், இறுதி யுத்தம் நடந்து 16 ஆண்டுகளை அண்மிக்கும் காலப்பகுதியான இந்தக் காலகட்டத்தில் நேற்று (10) திறந்து வைக்கப்பட்டது.

நான்காவது தடவையாக கனடா நாடாளுமன்றத்துக்கு தெரிவாகியுள்ள கரி ஆனந்தசங்கரி அவர்களின் முன்னெடுப்பில், கனடிய தமிழர்களின் தேசிய கவுன்சில் - NCCT, பிராம்ப்டன் தமிழ் சங்கம் - கனடா ஆகியவற்றின் பெருந்துணையோடு பிராம்ப்டன் நகர மேயர் பட்ரிக் பிரவுன் அவர்களால் நேற்று இந்த நினைவுச் சின்னம் திறந்துவைக்கப்பட்டது.

இது பற்றி கரி ஆனந்தசங்கரி 

"கனடா, பிராம்ப்டனில் இன்று தமிழ் இனப்படுகொலை நினைவுச்சின்னம் திறக்கப்படுவது நமது கூட்டு வரலாற்றில் ஒரு குறிப்பிடத்தக்க தருணத்தைக் குறிக்கிறது.

இலங்கை அரசாங்கத்தால் தமிழ் மக்களுக்கு எதிரான இனப்படுகொலையின் போது கொல்லப்பட்ட ஆயிரக்கணக்கான அப்பாவி உயிர்களுக்கு இந்த நினைவுச்சின்னம் ஓர் அடையாளமாக நிற்கிறது.

உலகெங்கிலும் உள்ள தமிழ் சமூகங்களின் வலிமை மற்றும் மீள்தன்மையையும் இது மதிக்கிறது, அவர்களின் அர்ப்பணிப்பு வாதங்கள் நம்மை இந்த தருணத்திற்கு கொண்டு வந்துள்ளன.

கனடிய தமிழர்களின் தேசிய கவுன்சில் - NCCT, பிராம்ப்டன் தமிழ் சங்கம் - கனடா, மேயர் பேட்ரிக் பிரவுன் மற்றும் எங்கள் கண்ணீர்க் கதைகள் ஒருபோதும் மறக்கப்படாமல் இருக்க போராடிய அனைவருக்கும் நான் நன்றி தெரிவிக்க விரும்புகிறேன்.

இந்தக் கொடுமைகளுக்கு நீதி கிடைக்க நாம் தொடர்ந்து அழைப்பு விடுக்கையில், நாம் வலுவாக நிற்போம், ஒன்றாக நிற்போம் " என்று குறிப்பிட்டுள்ளார்.