பீஜிங்கில் பிரதமர் ஹரிணி அமரசூரிய – சீன தேசியக் குழுத் தலைவர் வாங் ஹுனிங் சந்திப்பு!

இலங்கையின் பிரதமர் கலாநிதி ஹரிணி அமரசூரிய அவர்கள், 2025 ஆம் ஆண்டு ஒக்டோபர் 13 ஆம் திகதி, சீனாவின் தலைநகரான பீஜிங்கில், சீன மக்கள் அரசியல் ஆலோசனை மாநாட்டின் (CPPCC) தேசியக் குழுவின் தலைவர் மேன்மைதங்கிய வாங் ஹுனிங் அவர்களை சந்தித்து இருதரப்பு கலந்துரையாடல்களை மேற்கொண்டார்.

இந்தச் சந்திப்பின் போது இலங்கை – சீன நட்புறவை மேலும் வலுப்படுத்துவது குறித்தும், வர்த்தகம், முதலீடு, கல்வி, சுற்றுலா, கலாசாரம் மற்றும் மக்களுக்கிடையிலான தொடர்புகள் போன்ற பல துறைகளில் ஒத்துழைப்பை விரிவுபடுத்தும் வழிகள் குறித்தும் இருதரப்பினரும் விரிவாக கலந்துரையாடினர்.

இரு நாடுகளுக்கும் இடையிலான பண்டைய நட்பு, பரஸ்பர நம்பிக்கை மற்றும் வளர்ச்சிசார்ந்த உறவுகள் குறித்து இருதரப்பினரும் பாராட்டுக்களைத் தெரிவித்ததுடன், சமகால உலகச் சூழலில் இரு நாடுகளின் கூட்டாண்மை முக்கியத்துவம் பெறுவதை வலியுறுத்தினர்.

இந்த சந்திப்பு, இலங்கை – சீன உறவை புதிய உயரத்திற்கு கொண்டு செல்லும் முக்கிய முன்னேற்றமாக கருதப்படுகிறது.