ட்ரம்பின் வரி விதிப்பு இலங்கையைப் பாதிக்குமா!!

 

அமெரிக்க ஜனாதிபதி டொனால்ட் ட்ரம்பினால் விதிக்கப்பட்டுள்ள 25 வீத வரி, இலங்கையை நேரடியாகப் பாதிக்காது என்று எரிசக்தி அமைச்சின் செயலாளர் உதயங்க ஹேமபால தெரிவித்துள்ளார்.

இலங்கை தற்போது ஈரானிலிருந்து எரிபொருளை கொள்வனவு செய்யவில்லை. எனவே, ஈரானுடன் வர்த்தக நடவடிக்கைகளில் ஈடுபடும் நாடுகளுக்கு எதிராக ட்ரம்ப் விதித்துள்ள வரி இலங்கையை பாதிக்காது என அவர் குறிப்பிட்டுள்ளார். 

அத்துடன், முறையான விலைமனுக்கோரல் நடைமுறைகளின் கீழ் தற்போது இந்தியா, சிங்கப்பூர் மற்றும் சீனாவில் பதிவு செய்யப்பட்ட நிறுவனங்களிடமிருந்து இலங்கை எரிபொருள் கொள்வனவு செய்து வருகின்றது என அவர் தெரிவித்துள்ளார். 

அதேவேளை, ஈரானுடன் தனியாக எந்த ஒப்பந்தமும் இலங்கை அரசாங்கம் செய்யவில்லை எனவும் அவர் சுட்டிக்காட்டியுள்ளார்.

இலங்கை தமது மொத்த எரிபொருள் தேவையின் 90வீதத்துக்கு மேற்பட்டதை இறக்குமதி செய்து வருகின்றது.

அது மாத்திரமன்றி, ஆண்டுதோறும் எரிபொருள் இறக்குமதிக்காக செலவிடப்படும் தொகை, சுமார் 4 முதல் 5 பில்லியன் அமெரிக்க டொலராக மதிப்பிடப்பட்டுள்ளது.