இலங்கையில் மிகப்பெரிய இரத்தினக்கல்!!

 

இலங்கையில் கண்டுபிடிக்கப்பட்ட மிகப்பெரிய இயற்கை ஊதா நிற நட்சத்திர நீலக்கல்(Purple Star Sapphire) ஒன்று, உலகளாவிய அறிவியல் மற்றும் பண்பாட்டு பதிவுகளில் அதிகாரப்பூர்வமாக அறிமுகப்படுத்தப்பட்டுள்ளது.

இது உலகிலேயே இதன் வகையில் பதிவுசெய்யப்பட்ட மிகப்பெரிய ரத்தினக்கல் என நிபுணர்கள் தெரிவித்துள்ளனர்.

“ஸ்டார் ஆஃப் பியூர் லேண்ட்” (Star of Pure Land) எனப் பெயரிடப்பட்டுள்ள இந்த ரத்தினக்கல், 3,536 கரட் எடையைக் கொண்டதாகும்.

அமெரிக்காவின் Gemological Institute of America (GIA) நிறுவனத்தால் சான்றளிக்கப்பட்டுள்ள இந்த ரத்தினக்கல், இலங்கை (சிலோன்) தோற்றம் கொண்டது என்பதை Lanka Gemological Laboratory தனித்தனியாக உறுதிப்படுத்தியுள்ளது.

ரத்தினக்கல் நிபுணர்கள் கூறுகையில், இந்த கல் அதன் மேற்பரப்பில் தெளிவாகப் புலப்படும் ஆறு கதிர்கள் கொண்ட நட்சத்திர விளைவு (Asterism) காரணமாக தனித்துவம் பெறுகிறது.