ஐஸ்வர்யாவுடன் கடும் பகை?

 ஐஸ்வர்யாவுடன் க

டும் பகை? அபிஷேக்குடன் ஏற்பட்ட காதல் முறிவின் பின்னணி இதுதான்!

பாலிவுட்டின் வெள்ளித்திரையில் மூன்று தசாப்தங்களாக ராணியாக விளங்கிய Rani Mukerjiயின் வாழ்க்கை பல சவால்களும் சர்ச்சைகளும் நிரம்பியது. திரைப்பட பின்னணியுள்ள குடும்பத்தில் பிறந்திருந்தாலும், தனது ஆரம்ப காலங்களில் குரலின் தன்மை மற்றும் உயரம் குறைவாக இருப்பது போன்ற காரணங்களால் அவர் பலரால் கேலி செய்யப்பட்டார். ஆனால் அந்த குறைகளை பலமாக மாற்றிய ராணி, பின்னர் பாலிவுட்டின் மிக சக்திவாய்ந்த நடிகைகளில் ஒருவராக உயர்ந்தார்.

திரைப்பட வெற்றிகளுடன் சேர்ந்து, ராணியின் தனிப்பட்ட வாழ்க்கையும் எப்போதும் கிசுகிசு செய்திகளில் இடம்பெற்றது. குறிப்பாக நடிகர் Abhishek Bachchan உடனான அவரது காதல் தொடர்பு அப்போது பெரிய பேசுபொருளாக இருந்தது. ‘யுவா’, ‘பண்டி அவுர் பப்ளி’ போன்ற படங்களில் இணைந்து நடித்த காலத்தில் இருவரும் காதலில் உள்ளனர் என்ற செய்திகள் பரவலாக பேசப்பட்டன.

இருவரும் திருமணம் செய்து கொள்வார்கள் என்று ரசிகர்கள் எதிர்பார்த்திருந்த நேரத்தில், அந்த உறவு திடீரென முறிந்தது. அதன் பிறகு அபிஷேக், Aishwarya Rai யை திருமணம் செய்துகொண்டது, ராணி மற்றும் ஐஸ்வர்யா இடையேயான நட்பிலும் பிளவை ஏற்படுத்தியது.

ஒரு காலத்தில் நெருங்கிய தோழிகளாக இருந்த இவர்களுக்குள் ஏற்பட்ட விரிசலுக்கு ‘சல்தே சல்தே’ திரைப்படத்தைச் சுற்றிய சர்ச்சையும் காரணமாக கூறப்படுகிறது. அந்த படத்தில் ஐஸ்வர்யாவை மாற்றி ராணியை நாயகியாக தேர்வு செய்தது, ஐஸ்வர்யாவை பாதித்ததாக பேசப்பட்டது.

பின்னர் அபிஷேக்–ஐஸ்வர்யா திருமணத்திற்கு ராணி அழைக்கப்படாததும் பெரும் சர்ச்சையை ஏற்படுத்தியது. இதுகுறித்து, “நான் நண்பர்கள் என்று நினைத்தவர்கள் அப்படியே நினைக்கவில்லை” என்று ராணி பின்னர் மறைமுகமாக கருத்து தெரிவித்துள்ளார்.

இத்தகைய உணர்ச்சிமிகு அனுபவங்களுக்குப் பிறகும், ராணி தனது திரை வாழ்க்கையில் உறுதியாக நிலைத்தார். பின்னர் Aditya Chopraவை திருமணம் செய்துகொண்ட அவர், வலுவான கதாபாத்திரங்களுடன் மீண்டும் வெற்றிகரமாக திரும்பினார்.

‘மிசஸ் சாட்டர்ஜி vs நார்வே’ திரைப்படத்தின் மூலம் 2025ஆம் ஆண்டு சிறந்த நடிகைக்கான தேசிய விருதையும் பெற்ற ராணி, தன்னை விமர்சித்தவர்களுக்கு முன் இன்னும் பாலிவுட்டின் ராணியாக தலையுயர்ந்து நிற்கிறார்.

இவரின் தங்கை சினேகிதியே படத்தில் நடித்திருக்கிறார் தெரியுமா?