சிவப்பு எச்சரிக்கை!!

 

வங்காள விரிகுடாவில் நிலவும் வளிமண்டலக் குழப்ப நிலை காரணமாக இலங்கையில் சீரற்ற காலநிலை தொடரும் என வளிமண்டலவியல் திணைக்களம் அறிவித்துள்ளது.

இதன்படி, வடக்கு, கிழக்கு, சப்ரகமுவ, மத்திய, ஊவா, தென் மற்றும் மேல் மாகாணங்களில் பலத்த மழை அல்லது இடியுடன் கூடிய மழை பெய்யக்கூடும்.

சில இடங்களில் 100 மி.மீ முதல் 150 மி.மீ வரை கடுமையான பலத்த மழை எதிர்பார்க்கப்படுகிறது.

இடியுடன் கூடிய மழையின்போது ஏற்படும் தற்காலிக பலத்த காற்று மற்றும் மின்னல் தாக்கங்களிலிருந்து பொதுமக்களைப் பாதுகாப்பாக இருக்குமாறு, வளிமண்டலவியல் திணைக்களம் அறிவுறுத்தியுள்ளது.

பலத்த மின்னல் தாக்கம் தொடர்பில் முழு இலங்கைக்கும் சிவப்பு எச்சரிக்கையும் விடுக்கப்பட்டுள்ளது. 

இதேவேளை டித்வா புயல் தாக்கத்தின் போது அதாவது கடந்த வருடம் நவம்பர் மாதத்தில் பலத்த மழை தொடர்பில் முழு இலங்கைக்கும் சிவப்பு எச்சரிக்கை வழங்கப்பட்டடிருந்தமையும் குறிப்பிடத்தக்கது.