எரிபொருட்களின் விலைகள் அதிகரிப்பு!!

 

இலங்கையில் எரிபொருட்களின் விலைகள் திருத்தியமைக்கப்பட்டு, அவற்றின் புதிய விலைப் பட்டியலை இலங்கை பெட்ரோலியக் கூட்டுத்தாபனம் வெளியிடப்பட்டுள்ளது.

மண்ணெண்ணெய் தவிர ஏனைய எரிபொருட்களின் விலை உயர்த்தப்பட்டுள்ளது. 

அதன்படி, லங்கா டீசல்: லீற்றரின் விலை 5 ரூபாவினால் அதிகரிக்கப்பட்டு, அதன் புதிய விலை 397ரூபாவாக நிர்ணயிக்கப்பட்டுள்ளது. (முந்தைய விலை: ரூபா 392).

லங்கா சுப்பர் டீசல் 4 ஒரு லீற்றரின் விலை 15 ரூபாவினால் அதிகரிக்கப்பட்டு, அதன் புதிய விலை 543 ரூபாவாக உயர்த்தப்பட்டுள்ளது. (முந்தைய விலை: ரூபா 528).

பெட்ரோல் 92 ஒக்டேன் ஒரு லீற்றரின் விலை 10 ரூபாவினால் அதிகரிக்கப்பட்டு, அதன் புதிய விலை 424ரூபாவாக பதிவாகியுள்ளது. (முந்தைய விலை: ரூபா 414.00).

பெட்ரோல் 95 ஒக்டேன் ஒரு லீற்றரின் விலை 15 ரூபாவினால் அதிகரிக்கப்பட்டு, அதன் புதிய விலை 490 ரூபாவாக நிர்ணயிக்கப்பட்டுள்ளது (முந்தைய விலை: ரூபா 475).

அதேநேரம், மண்ணெண்ணெய் விலையில் எவ்வித மாற்றமும் செய்யப்படவில்லை. அதன்படி, ஒரு லீற்றர் தொடர்ந்து ரூபா 285 என்ற நிலையிலேயே விற்பனை செய்யப்படும் என இலங்கை பெட்ரோலியக் கூட்டுத்தாபனம் தெரிவித்துள்ளது.