யாழ்.மல்லாகத்தில் பொலிஸ் உத்தியோகத்தர் துப்பாக்கியால் சுட்டுத் தற்கொலை!

யாழ்.மல்லாகத்தில் பொலிஸ் உத்தியோகத்தர் இன்று செவ்வாய்க்கிழமை(03) பிற்பகல் தனக்குத் தானே துப்பாக்கியால் சுட்டுத் தற்கொலை செய்து கொண்டுள்ளார்.


யாழ். காங்கேசன்துறைப் பொலிஸ் அத்தியட்சகர் அலுவலகத்தில் கடமையாற்றிக் கொண்டிருந்த போது இன்று பிற்பகல்-02.30 மணியளவில் பொலிஸ் உத்தியோகத்தர் தனக்குத் தானே நெஞ்சுப் பகுதியில் துப்பாக்கியால் சுட்டுத் தற்கொலை செய்து கொண்டுள்ளார்.

குறித்த பொலிஸ் உத்தியோகத்தர் யாழ்.தெல்லிப்பழைப் பொலிஸ் நிலையத்தில் கடமையாற்றுபவர். திருகோணமலையைச் சேர்ந்த என்.நஸீர்(வயது-25) என்பவரே இவ்வாறு தற்கொலை செய்து கொண்டவராவார்.

உயிரிழந்த பொலிஸ் உத்தியோகத்தரின் சடலம் தற்போது தெல்லிப்பழை ஆதார வைத்தியசாலையில் வைக்கப்பட்டுள்ளது.

குடும்பப் பிரச்சினையே தற்கொலைக்கான காரணமென ஆரம்பக் கட்ட விசாரணைகளில் தெரியவந்துள்ளது.

இதேவேளை,மேற்படி சம்பவம் தொடர்பாகத் தெல்லிப்பழைப் பொலிஸார் தீவிர விசாரணைகள் முன்னெடுத்துள்ளனர்.