அரசியலில் கரை படியாத ஒரு புதிய வரவு கமல்ஹாசன் - கஸ்தூரி!

உண்மையாக,நேர்மையாக அரசியல் செய்தால் தமிழக மக்கள் மிகப்பெரிய ஆதரவு கொடுப்பார்கள் என நடிகை கஸ்தூரி கூறியுள்ளார்.


சேலம் கன்ஸ்யூமர் வாய்ஸ் சார்பாக உலக நுகர்வோர் தினவிழா சேலத்தில் நடைபெற்றது. இதில் தமிழ்நாடு அரசு மாநில தகவல் ஆணையர் செல்வராஜ் மற்றும் திரைப்பட நடிகை கஸ்தூரி உள்ளிட்டோர் பங்கேற்றனர். இதில் உடலுக்கு தீங்கு விளைவிக்கும் அஜினமோட்டோவை தடை செய்ய வேண்டும் மற்றும் கோடை காலத்தில் குடிநீர் பிரச்சினையை தீர்க்க போர்கால நடவடிக்கை எடுக்க வேண்டும் உள்ளிட்ட தீர்மானங்கள் நிறைவேற்றப்பட்டது.
இதனை தொடர்ந்து நடிகை கஸ்தூரி செய்தியாளர்களுக்கு பேட்டி அளித்தார். அப்போது அவர் கூறுகையில், நாடாளுமன்றத் தேர்தல் வருவதால் சில அதிர்ச்சியான சம்பவங்கள் எல்லாம் நடக்கிறது. புயல் வெள்ளம் வந்தபோது தமிழத்திற்கு வராத தலைவர்கள், ஒரே மாதத்தில் நல திட்டத்திற்காக நான்கு முறை தமிழகம் வந்துள்ளார். இதற்காக அடிக்கடி தேர்தல் வராதா? என்று சாமானியனுக்கு தோன்றுகிறது.
நாடாளுமன்ற தேர்தலில் மக்களுக்கு, தமிழகத்திற்கு என்ன தேவை என்பதை விட அந்தந்த கட்சிகளுக்கு வெற்றி பெற என்ன தேவை என்பதை தான் இந்தக் கூட்டணி கூத்தில் பார்க்க முடிகிறது. பாஜக மற்றும் காங்கிரஸ் தேர்தலுக்கு பிறகு தமிழகத்தை மறந்துவிடும்,.
 உண்மையாக, நேர்மையாக அரசியல் செய்தால் தமிழக மக்கள் மிகப்பெரிய ஆதரவு கொடுப்பார்கள். அதை ஏன் கட்சிகள் செய்ய மறுக்கிறது என்று தெரியவில்லை.
மதுவிற்கு எதிராக போராட்டங்களை தங்கள் கொள்கையாக வைத்திருந்த கட்சி, திராவிட கட்சிகளுடன் கூட்டணி வைத்து, தங்கள் கொள்கையை காற்றில் பறக்கவிட்டார்கள் என்பதுதான் அர்த்தம் என்றும்,ஆதாரத்திற்காக கொள்கையை பார்க்க விட்டது ஏமாற்றம்தான் எனவும் கூறினார்
தேமுதிகவை கூட்டணியை சேர்ப்பதற்கு இரு தரப்பிலும் முனைப்பாக இருப்பதற்கு காரணம், இந்த தேர்தலைப் பொறுத்தவரை தேர்வு என்று நினைக்கிறார்கள். ஒரு மார்க்கில் தோல்வியடைந்து விடுவோமோ என்று பயந்து ஒரு மார்க் இருக்கக்கூடிய தேமுதிகவை இரு பக்கத்திலும் பத்திரப்படுத்த நினைத்து தற்போது திமுக விலகி விட்டது. இப்போதிருக்கும் சூழலில் தேமுதிகவுக்கு வேறு வழியில்லை.
கமல்ஹாசன் நடிகர் என்பதை தாண்டி புதிய தலைவர் என்று பார்க்க வேண்டும். ஒரு புதிய அலையாக கமல் வந்துள்ளார். இவர் அரசியலில் கரை படியாத ஒரு புதிய வரவு என்றார்.
#Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo