ஒப்பிலியப்பன் கோவில் திருத்தேரோட்டம்!

கும்பகோணத்தில் தென்னக திருப்பதி என போற்றப்படும் ஒப்பிலியப்பன் கோவில் திருத்தேரோட்டத்தில் ஏராளமானோர் கலந்து கொண்டு தேரை வடம்பிடித்து இழுத்து சென்றனர்.


கும்பகோணத்தில் 108 திவ்ய தேசங்களில் புகழ் பெற்றதும் நம்மாழ்வார் திருமங்கை ஆழ்வார் பொய்கையாழ்வார் பேயாழ்வார் ஆகியோரால் மங்களாசாசனம் செய்யப் பெற்ற பூலோக வைகுந்தம் திருவிண்ணகர் என்றெல்லாம் போற்றப்படும் உப்பிலியப்பன் திருத்தலத்தில் பங்குனி மாத திருவிழா 23.03.2019 அன்று கொடியேற்றத்துடன் தொடங்கியது.

தொடர்ந்து காலை, மற்றும் மாலை நேரங்களில் தாயாருடன் பல்வேறு வாகனங்களில் எழுந்தருளி பக்தர்களுக்கு அருள்பாலித்தார். எட்டாம் நாளான நேற்று வெண்ணெய்தாழி அலங்காரம் நடைபெற்றது. இதை தொடர்ந்து முக்கிய நிகழ்ச்சியான இன்று  தேனப்பன் ஸ்ரீ பூமிதேவி திருத்தேரில் எழுந்தருளி திருத்தேரோட்டம் நடைபெற்றது.
இதில் ஏராளமான பக்தர்கள் தேரை வடம் பிடித்து இழுத்து சென்று சுவாமி தரிசனம் செய்தனர். நாளை மூலவர் திருமஞ்சனமும் நாளை மறுநாள் விடையாற்றி விழாவோடு  திருவிழா நிறைவடைகிறது.
#Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo