பிகிலுக்கு அடுத்து என்ன?

span style="font-family: Arial, Helvetica, sans-serif;">பிகில் திரைப்படத்தை ரசிகர்கள் ஒவ்வொரு ஃபிரேமிலும் கொண்டாடிவரும் வேளையில், பிகில் படத்திற்கு முன் கதையாக ஒரு படம் எடுக்கவேண்டும் என விஜய் ரசிகர்கள் வைத்த கோரிக்கையை ஏற்றுக்கொண்டிருக்கிறார் அட்லீ.

பிகில் திரைப்படத்தின் மிக முக்கியமான விஷயங்களில் ஒன்று ராயப்பனின் கேரக்டர். மகனான மைக்கேலுக்கும்- தந்தையான ராயப்பனுக்கும் இடையே படத்தில் காணப்பட்ட பாசப் போராட்டமும், அதனால் படம் பார்த்தவர்களுக்கு ஏற்பட்ட உணர்வும் அந்த கேரக்டரைக் கொண்டாட வைத்திருக்கிறது. இதனால் மனம் நெகிழ்ந்த விஜய் ரசிகர்கள் சிலர் அட்லீயிடம் ஒரு கோரிக்கையை வைத்தனர்.

ராயப்பனின் கேரக்டரை மட்டும் வைத்து, அவர் எப்படி ‘டான்’ ஸ்டேட்டஸுக்கு வந்தார்? என்பது போன்ற கதையை உருவாக்கி, அதனை பிகில் படத்தின் முன் கதையாக தனித் திரைப்படமாகவே உருவாக்கவேண்டும் என்று கோரிக்கை வைத்தனர். இதைப் பார்த்த அட்லீ, பிகில் திரைப்படத்தில் வரும் ராயப்பன் கேரக்டரின் வசனமான ‘செஞ்சுட்டா போச்சு’ என்று கூறியிருக்கிறார். இதனால், பிகில் திரைப்படத்துக்கு முன் கதையாக ஒரு திரைப்படம் எடுக்கப்படக்கூடும் என்று விஜய் ரசிகர்கள் மகிழ்ச்சியில் இருக்கின்றனர்.
#Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo