போர்ப்ஸ்: பிரபலங்களின் பட்டியலில் தமிழர்கள்!

2019-ஆம் ஆண்டிற்கான இந்தியப் பிரபலங்களின் பட்டியலை ஃபோர்ப்ஸ் பத்திரிகை வெளியிட்டுள்ளது. அந்தப் பட்டியலில் தமிழ்த் திரையுலகினரும் இடம்பிடித்து சாதனை புரிந்துள்ளனர்.

ஃபோர்ப்ஸ் பத்திரிகை, இந்தியாவில் குறிப்பிட்ட வருடத்தில் பிரபலமான 100 நபர்களின் பெயர்கள் அடங்கிய பட்டியலை வருடந்தோறும் வெளியிட்டுவருகிறது. பிரபலங்களின் புகழ், சமூக வலைதளங்களில் கிடைத்த வரவேற்பு, ஆண்டு வருமானம் போன்றவற்றை அடிப்படையாகக் கொண்டு அந்தப் பட்டியல் தயாரிக்கப்பட்டு வருகிறது.

2019-ஆம் ஆண்டிற்கான பட்டியலில் இந்திய கிரிக்கெட் அணியின் கேப்டன் விராட் கோலி முதலிடத்தைப் பிடித்துள்ளார். அவரது ஆண்டு வருமானம் 252.72 கோடி ரூபாய் என்று அறிவிக்கப்பட்டுள்ளது. இந்தி நடிகர் அக்‌ஷய் குமார் 293.25 கோடி ரூபாய் வருமானத்துடன் இரண்டாம் இடத்தையும், 229.25 கோடி ரூபாய் வருமானத்துடன் சல்மான் கான் மூன்றாம் இடத்தையும் பிடித்துள்ளனர். அக்‌ஷய் குமாரை விடவும் விராட் கோலியின் ஆண்டு வருமானம் குறைவாக இருந்தும் கூட சமூக வலைதளங்களில் அவருக்குக் கிடைத்த வரவேற்பு மற்றும் புகழின் அடிப்படையில் அவர் முதலிடம் பெறுவதாக ஃபோர்ப்ஸ் பத்திரிகை அறிவித்துள்ளது.

முதல் பத்து இடம் பிடித்தவர்கள்:

1.விராட் கோலி - ரூ. 252.72 கோடி

2.அக்‌ஷய் குமார் - ரூ. 293.25 கோடி

3. சல்மான் கான் - ரூ. 229.25 கோடி

4. அமிதாப் பச்சன் - ரூ. 239.25 கோடி

5. எம்.எஸ் தோனி - ரூ. 135.93 கோடி

6. ஷாருக் கான் - ரூ. 124.38 கோடி

7. ரன்வீர் சிங் - ரூ. 118.2 கோடி

8. ஆலியா பட் - ரூ. 59.21 கோடி

9. சச்சின் டெண்டுல்கர் - ரூ. 76.96 கோடி

10. தீபிகா படுகோன் - ரூ. 48 கோடி

முதலிடம் பிடித்த விராட் கோலியின் மனைவி அனுஷ்கா ஷர்மா 28.67 கோடி ரூபாய் வருமானத்துடன் 21-ஆவது இடத்தைத் தக்கவைத்துக் கொண்டுள்ளார். ரன்வீர் சிங் ஏழாவது இடத்தையும் அவரது மனைவி தீபிகா படுகோன் 10-ஆவது இடத்தையும் பெற்று சாதனை புரிந்துள்ளனர்.

இந்தப்பட்டியலில் தமிழகத்தைச் சேர்ந்த பிரபலங்களும் இடம்பெற்றுள்ளனர்.

13-ஆவது இடத்தில் ரஜினிகாந்த் -ரூ. 100 கோடி

16-ஆவது இடத்தில் ஏ.ஆர்.ரஹ்மான்-ரூ. 94. 8 கோடி

47-ஆவது இடத்தில் விஜய்- ரூ.30 கோடி

52-ஆவது இடத்தில் அஜித்- ரூ.40.5 கோடி

55-ஆவது இடத்தில் ஷங்கர்- ரூ. 31.5 கோடி

56-ஆவது இடத்தில் கமல்ஹாசன் -ரூ. 34 கோடி

64-ஆவது இடத்தில் தனுஷ்- ரூ.31.75 கோடி

80-ஆவது இடத்தில் இயக்குநர் சிவா- ரூ. 12.17 கோடி

84-ஆவது இடத்தில் கார்த்திக் சுப்புராஜ் -ரூ. 13.5 கோடி

இந்தப்பட்டியலில் மலையாள நடிகர்கள் மோகன்லால் 27-ஆவது இடத்தையும், மம்மூட்டி 62-ஆவது இடத்தையும் பெற்றுள்ளனர்.

#Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo