துருக்கியில் அகதிகள் படகு கவிழ்ந்து விபத்து!!

துருக்கியில் அகதிகள் பயணித்த படகு கவிழ்ந்ததில் 11 பேர் உயிரிழந்துள்ள நிலையில் 8 பேர் பாதுகாப்பாக மீட்கப்பட்டுள்ளனர்.


துருக்கியின் மேற்குப் பகுதியில் ஏஜியன் (Aegean) கடலிலேயே அகதிகளுடன் பயணித்த படகு நேற்று (சனிக்கிழமை) கவிழ்ந்து விபத்துக்குள்ளானதாக துருக்கி கடற்படையினர் தெரிவித்துள்ளனர்.

பொருளாதார நிலையை உயர்த்துவதற்காக மத்திய கிழக்கிலிருந்து ஐரோப்பிய நாடுகளுக்குச் செல்லும் மக்களுக்கு துருக்கி முக்கிய பயணப் பகுதியாக இருந்து வருகிறது. கடந்த 2018ஆம் ஆண்டு முதல் இரண்டு இலட்சத்துக்கும் அதிகமான மக்கள் துருக்கிக்கு அகதிகளாக இடம்பெயர்ந்துள்ளனர்.

முன்னதாக சிரியாவின் வடக்குப் பகுதியில் சிரிய அகதிகளைக் குடியமர்த்துவது தொடர்பான தனது முடிவுக்கு ஆதரவு அளிக்காத இஸ்லாமிய நாடுகளையும் துருக்கி ஜனாதிபதி எர்டோகன் முன்னரே விமர்சித்திருந்தார்.

துருக்கியில் தற்போதைய நிலைவரப்படி சுமார் 3.7 மில்லியன் சிரிய அகதிகள் உள்ளனர். உலகிலேயே அதிக அளவில் அகதிகளைக் கொண்ட நாடாக துருக்கி அறியப்படுகிறது.
#Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo