சவேந்திர சில்வா விவகாரம் - இலங்கையில் உள்ள அமெரிக்க தூதருடன் சந்திப்பு!!

இன்று ஞாயிற்றுக்கிழமை என்றாலும், தூதரை அழைத்து பேசுவதன் மூலம், இந்த பிரச்சினையில் உள்ள முக்கியத்துவத்தை இலங்கை அடிக்கோடிட்டுக் காட்டுகிறது என்று வெளிவிவகார அமைச்சு வட்டாரங்கள் தெரிவித்துள்ளன.


கொழும்பில் உள்ள அமெரிக்க தூதரகத்திடம் கொழும்பு ஊடகமொன்று வினவியபோது இலங்கையில் பாதுகாப்பு உதவி அல்லது இராணுவ ஈடுபாட்டிற்கு கூடுதல் கட்டுப்பாடுகளை விதிக்கவில்லை அல்லது கொள்கையில் மாற்றத்தை குறிக்கவில்லை அல்லது அரசாங்கத்துடன் பரந்த அளவில் ஈடுபாட்டைக் கட்டுப்படுத்தும் விருப்பத்தை குறிக்கவில்லை.

பிரிவு 7031 (சி) இன் கீழ் வேறு எந்த இலங்கை அதிகாரிகளும் பகிரங்கமாக நியமிக்கப்படவில்லை என்று அமெரிக்க தூதரகம் கூறியுள்ளது.

இந்த விவகாரத்தில், முன்னாள் ஜனாதிபதி மைத்திரியிடமும் அமெரிக்கா தனது அதிருப்தியை தெரிவித்துள்ளது.

எனினும், அவர் பதவிவிலகியதும் இந்த விவகாரம் தீர்ந்துவிடும் என எதிர்பார்க்கப்பட்ட நிலையில், அவருக்கு பதவிநீடிப்பு வழங்கியது அமெரிக்காவை அதிருப்தியடைய வைத்துள்ளது.

அதன்பின்னர், சவேந்திர சில்வா, பாதுகாப்பு பணியாளர்களின் பதில் பிரதானியாகவும் நியமிக்கப்பட்டார். அது அமெரிக்க அதிருப்தியை மேலும் அதிகரித்துள்ளது.

அண்மையில் இலங்கை வந்திருந்த அமெரிக்க வெளிவிவகாரதுறையின் உதவிச் செயலாளர் பொறுப்பிலுள்ள அலிசா வெல்ஸ், ஜனாதிபதி கோட்டபய ராஜபக்ஷ மற்றும் பிரதமர் மஹிந்த ராஜபக்ஷ ஆகிய இருவரிடமும் இந்த விவகாரத்தில் அமெரிக்கா தனது அதிருப்தியை தெரிவித்திருந்தது.

எதிர்காலத்தில் எந்த நேரத்திலும் அமெரிக்க அரசாங்கம் எப்போதுமே பட்டியலை இரத்து செய்யலாம் என்று இராஜதந்திர வட்டாரங்கள் தெரிவித்தன.

இந்தியப் பிரதமர் நரேந்திர மோடியும் ஒரு காலத்தில் இதேபோல் பட்டியலிடப்பட்டதன் உதாரணத்தை மேற்கோள் காட்டினார்.
இலங்கை இராணுவத் தளபதி லெப்டினன்ட் ஜெனரல் சவேந்திர டி சில்வா மற்றும் அவரது குடும்பத்தினர் மீதான பயணத் தடை குறித்து அரசாங்கத்தின் அதிருப்தியை தெரிவிக்க அமெரிக்க தூதர் அலினா பி. டெப்லிட்ஸ் இன்று வெளிவிவகார அமைச்சிற்கு அழைக்கப்பட்டுள்ளார்.

இன்று நண்பகலில் அவரைச் சந்திக்கும் வெளிவிவகார அமைச்சர் தினேஷ் குணவர்தன, அமெரிக்க வெளிவிவகார செயலர் மைக் பொம்பியோவின் நடவடிக்கையில் இலங்கை மகிழ்ச்சியடையவில்லை என்று அவரிடம் கூறுவார்.

இலங்கை இராணுவத்தின் தற்போதைய தளபதியும், பாதுகாப்புத் தலைமைத் தளபதியும் போர்க்குற்றங்கள் மற்றும் மனித உரிமை மீறல்களில் தனது கட்டளைப் பொறுப்பின் மூலம் ஈடுபட்ட “நம்பகமான தகவல்கள்” காரணமாக பயணத்தடைப் பட்டியலில் அமெரிக்கா சேர்த்தது.