மீண்டும் மிஷ்கினுடன் இணையும் விஷால்!!

மிஷ்கின் இயக்கத்தில் விஷால், பிரசன்னா நடித்த ’துப்பறிவாளன்’ திரைப்படம் கடந்த 2017ஆம் ஆண்டு ரிலீசாகி மிகப்பெரிய வரவேற்பை பெற்றதை அடுத்து இந்த படத்தின் இரண்டாம் பாகம் சமீபத்தில் தொடங்கப்பட்டது. இந்த படத்தின் படப்பிடிப்பு இங்கிலாந்து நாட்டில் நடைபெற்ற நிலையில் திரைப்படம் முடிவடையும் நிலையில் திடீரென விஷால் மற்றும் மிஷ்கின் இடையே கருத்து வேறுபாடு ஏற்பட்டது.


இதனை அடுத்து மிஷ்கின் இந்த படத்தில் இருந்து விலகுவதாக அறிவித்தார். அதன் பின்னர் விஷாலே இந்த படத்தின் மீதிப்பகுதியை இயக்க திட்டமிட்டிருந்தார். இந்த நிலையில் கொரோனா வைரஸ் காரணமாக அனைத்து படங்களின் படப்பிடிப்புகளும் நிறுத்தப்பட்டதைபோல் ‘துப்பறிவாளன் 2’ படத்தின் படப்பிடிப்பும் நிறுத்தப்பட்டது.

இந்த நிலையில் ‘துப்பறிவாளன் 2’ படத்தை மீண்டும் மிஷ்கினே இயக்க விஷால் கேட்டுக் கொண்டுள்ளதாகவும் இதுகுறித்து பேச்சுவார்த்தையும் நடைபெற்று வருவதாகவும் கூறப்படுகிறது. இருப்பினும் விஷால் மற்றும் மிஷ்கின் தரப்பிலிருந்து இந்த தகவல் உறுதி செய்யப்படவில்லை. மேலும் ’துப்பறிவாளன் 2’ படத்தை சிறப்பாக முடிக்க மிஷ்கினால் மட்டுமே முடியும் என்று முடிவு செய்து இந்த முடிவை விஷால் எடுத்ததாக கூறப்படுகிறது. இருப்பினும் இதுகுறித்த அதிகாரப்பூர்வ அறிவிப்பு வரும் வரை காத்திருப்போம்.

விஷால் பிலிம் பேக்டரி தயாரிப்பில் உருவாகிவரும் ’துப்பறிவாளன் 2’ படத்தில் விஷால், பிரசன்னா, ரகுமான், முன்னா சைமன், ஆதித்யாமேனன் உள்பட பலர் நடித்து வருகின்றனர்.
 Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo
Powered by Blogger.