வெற்றி வாகை சூடியது பங்களா டைகர்ஸ் அணி!

ரி-10 தொடரின் 15ஆவது லீக் போட்டியில், பங்களா டைகர்ஸ் அணி 9 விக்கெட்டுகளால் அபார வெற்றிபெற்றுள்ளது.

அபுதாபியில் நேற்று (வியாழக்கிழமை) நடைபெற்ற இப்போட்டியில், பங்களா டைகர்ஸ் அணியும் டெக்கான் க்ளேடியேட்டர்ஸ் அணியும் பலப்பரீட்சை நடத்தின.

இப்போட்டியில் நாணய சுழற்சியில் வெற்றிபெற்ற பங்களா டைகர்ஸ் அணி, முதலில் களத்தடுப்பை தீர்மானித்து.

இதன்படி முதலில் துடுப்பெடுத்தாடிய டெக்கான் க்ளேடியேட்டர்ஸ் அணி, நிர்ணயிக்கப்பட்ட 10 ஓவர்கள் நிறைவில், 5 விக்கெட்டுகள் இழப்புக்கு 116 ஓட்டங்களை பெற்றுக்கொண்டது.

இதில் அணியின் அதிகப்பட்ச ஓட்டங்களாக, டொம் பென்டோன் 30 ஓட்டங்களையும் ஒடீயன் ஸ்மித் ஆட்டமிழக்காது 26 ஓட்டங்களையும் பெற்றுக்கொண்டனர்.

பங்களா டைகர்ஸ் அணியின் பந்துவீச்சில், ஹோவெல் 2 விக்கெட்டுகளையும் ஆமிர், போல்க்னர் மற்றும் கரீம் ஜெனட் ஆகியோர் தலா 1 விக்கெட்டினையும் வீழ்த்தினர்.

இதனைத்தொடர்ந்து 117 என்ற வெற்றி இலக்கை நோக்கி பதிலுக்கு களமிறங்கிய பங்களா டைகர்ஸ் அணி, 8.1 ஓவர்கள் நிறைவில் 1 விக்கெட் இழப்புக்கு வெற்றி இலக்கை கடந்தது. இதனால், பங்களா டைகர்ஸ் அணி, 9 விக்கெட்டுகளால் வெற்றிபெற்றது.

இதன்போது அணியின் அதிகப்பட்ச ஓட்டங்களாக, ஹஸ்ரதுல்லா ஷசாய் ஆட்டமிழக்காது 59 ஓட்டங்களையும் வில் ஜெக்ஸ் ஆட்டமிழக்காது 28 ஓட்டங்களையும் பெற்றுக்கொண்டனர்.

டெக்கான் க்ளேடியேட்டர்ஸ் அணியின் பந்துவீச்சில், ஒடீயன் ஸ்மித் 1 விக்கெட்டினை வீழ்த்தினார்.

இப்போட்டியின் ஆட்டநாயகனாக, 26 பந்துகளில் 5 சிக்ஸர்கள் 3 பவுண்ரிகள் அடங்களாக, ஆட்டமிழக்காது 59 ஓட்டங்களை பெற்றுக்கொண்ட ஹஸ்ரதுல்லா ஷசாய் தெரிவுசெய்யப்பட்டார்.

 #Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo