சர்வமத மாநாடு – யாழ்ப்பாணம் 2025📸!

 

யாழ்ப்பாணத்தில் சர்வமத மாநாடு – மனிதநேயம், நல்லிணக்கம் குறித்து வலியுறுத்தல்

யாழ்ப்பாணத்தில் இன்று (18.10.2025) சிறப்பாக நடைபெற்ற சர்வமத மாநாட்டில் பல்வேறு மதத் தலைவர்களும், சமூகச் செயற்பாட்டாளர்களும் கலந்து கொண்டு, மனிதநேயம் மற்றும் நல்லிணக்கத்தின் அவசியம் குறித்து வலியுறுத்தினர்.

இந்நிகழ்வில் கலந்து கொண்ட ரதன தெரர் அவர்கள் உரையாற்றுகையில்,

“மனிதனாகப் பிறந்த எவர்கள் ஆனாலும் உண்மையான மனிதனாக வாழ்வதற்காக பல நற்குணங்களை வளர்த்துக் கொள்ள வேண்டும். இனம், மதம், மொழி போன்ற காரணங்களால் மனிதர்கள் இடையே பிரிவுகள் தோன்றியுள்ளன. இதனால் நல்லிணக்கம் ஒரு மிக முக்கிய தேவையாகிறது,”

என்று குறிப்பிட்டார்.

அவர் மேலும் கூறியதாவது:

“இந்த உலகில் பல மதங்களும் மதத் தலைவர்களும் உள்ளனர். அவற்றில் கௌதம புத்தர் ஒருவர். ஆனால் அவர் ஒருபோதும் ‘நான் பௌத்தர்’ என்று கூறியதில்லை. அவர் மனிதனாகப் பிறந்து உன்னதமான குணங்களுடன் வாழ்ந்தவர் என்பதை தான் வலியுறுத்தினார்.

குளத்தில் மலரும் தாமரை நீரில் பட்டும் படாமலும் இருப்பது போல நானும் உலகில் வாழ்கிறேன் என்று புத்தர் கூறியுள்ளார்.”

புத்தரின் போதனைகள் மூன்று பிரிவுகளாக – சுத்த பிடகம், வினய பிடகம், அபிதம்ம பிடகம் – வகுக்கப்பட்டுள்ளன. அதில், “மெத்த சுத்தா” எனும் சூத்திரத்தில் அன்பு, மனிதாபிமானம், நல்லிணக்கம் ஆகியவற்றை புத்தர் சிறப்பாக எடுத்துரைத்துள்ளார்.

ரதன தெரர் அவர்கள் மேலும் வலியுறுத்தியதாவது,

“புத்தர் தன் போதனையை எந்த இனத்தவருக்கும், குடும்பத்தவருக்கும் மட்டும் அல்லாமல் எல்லோருக்கும் வழங்கினார். அவருடைய சீடர்கள் அனைவரும் ஒரே துறவிகள் என்ற அடையாளத்திலேயே இருந்தனர்.”

இந்த சர்வமத மாநாடு, மதங்களிடையேயான புரிந்துணர்வை வளர்த்தெடுப்பதற்கும் சமூக நல்லிணக்கத்தை வலுப்படுத்துவதற்கும் ஒரு முக்கிய தளமாக அமைந்தது.

#யாழ்ப்பாணம் #இலங்கை #සර්වාගමික_සමාවේදනය