மலைச்சரிவில் மூன்று நாட்கள் பின் 3பேர் உயிர் மீன்ட அதிசயம்!

 

பசறை மலைச்சரிவில் மூன்று நாட்கள் மண்ணுக்குள் சிக்கிய மூன்று பேர் கொண்ட குடும்பம் உயிர் தப்பிய அதிசயம்.

பசறை நகரை பல நாட்களாக மூழ்கடித்த கனமழை மிகப்பெரிய மலைச்சரிவாக மாறி, குணபாலவின் சிறிய வீட்டை முழுவதுமாக புதைத்தது. அந்த வேளையில் குணபால, அவரது மனைவி சீதா மற்றும் பத்து வயது மகன் சமீரா ஆகியோர் சமையலறையில் இருந்தனர். வீடு முழுவதும் இடிந்து மண்ணில் புதைந்த போதிலும், சமையலறை பகுதி மட்டும் அதிசயமாக இடிக்காமல் தப்பியது.

அந்த இருள், ஈரம், குறைந்த காற்றோட்டம், பசி, தாகம் ஆகியவற்றின் நடுவே அவர்கள் மூன்று நாட்கள் உயிர் போராட்டத்தில் இருந்தனர். நம்பிக்கையை மட்டும் பிடித்து அவர்கள் தங்கள் உயிரை தக்க வைத்தனர்.

மூன்றாம் நாளில் கனரக இயந்திரங்களின் அதிர்வுகள் மேலிருந்து கேட்டவுடன் குணபால சிறிய ஓட்டையில் கரண்டியால் தட்டி தன் இருப்பை அறிவித்தார். சில நிமிடங்களில் ராணுவ மீட்புக் குழுக்கள் அவர்களை அடையாளம் கண்டு மீட்பு நடவடிக்கைகளை துரிதப்படுத்தினர்.

முதன்முறையாக நுழைந்த ஒளிக்கதிரே அவர்களுக்கு இரண்டாவது பிறவியைப் போன்ற அனுபவமாய் இருந்தது. அவர்களின் வீடு மண்ணில் மறைந்திருந்தாலும், உயிர் மட்டும் காப்பாற்றப்பட்டது.